【TMHK開台賀文】堅持持平 不偏不倚

史兄

知名作家 – 史兄:網上傳媒係一股不可小觀嘅新興力量。喺過去幾次大型嘅公民運動,網上傳媒嘅報導,有助將最新消息及事情動態更快、更有效咁幅射到各個階層,對所產生的社會迴響亦甚為巨大。

作為一個偶爾會執筆喺面書評論時事同政治議題嘅市民,好多時會參考幾間傳統文字傳媒同網媒嘅資料、報導同片段,先嘗試得知真相同事實嘅全部,再下評論。我嘅感覺係:相比起傳統文字傳媒,網上傳媒嘅資訊快大概十萬九千倍,大部份記者報導時沒有明顯嘅立場,用字較為中立、中肯,好多時只係觀客咁描述事實。

喺香港,網上傳媒嘅認受性同專業性,暫時仍未受到廣泛嘅支持與認同。不過,既然羅馬非一天建成,我哋需要嘅係一班有心有力、同心希望建立專業、獨立網上傳媒嘅朋友。多一間網上傳媒,就有多一個渠道令市民去了解事情的真相,再作出合情合理嘅判斷。

Truth media嘅成立,標誌網上傳媒又多一名新力軍。我深信Truth media諸位可以謹記自己加入嘅宗旨,就係堅持持平報導,將真相不偏不倚帶畀讀者。

(標題為編輯所加)