【求快求真一波三折 起步艱難有苦誰知】 【花生】【呃like】
公民記者騎呢事系列 (一)
【求快求真一波三折 起步艱難有苦誰知】
【花生】【呃like】
by 深灰
#TMHK20140406
感謝兄弟們辛苦採訪。圖為Jason作品。
然後佢地話我寫野style好左膠喎…….你老味丫~
呢篇文係我地一個小嘗試，
我地打正旗號要做傳統式，專業級新聞，持平求真。
但報紙都有風月版la，家陣連網媒都有，
咁我地都想接接地氣，怕吓吓太嚴肅呢，悶死人。
加入少少唔同元素，生活版之類，
比返D個人元素，connect下讀者，
分享一下各種趣事，經歷同心得咁。
話到尾，公民記者呢壇野又辛苦又冇so，
有時都想街坊們知道下我地前線班兄弟既辛酸。
順手呃下like咁la~
0岩睇記得比like，0禁share，唔0岩睇鬧爆亦得。
唯一最怕就係毫無反應，然後呢？
然後下次就唔會再有呢種文出現了。
內文含口語，粗鄙文字。道德L退散~
———————————————————-
正文
查實我地同每個讀者都一樣，
真係普通到爆既普通人，
又想幫社會做D野但又怕比人拉，
好在有公民記者呢味野，
人人都可以做，有心就得。
雖則家下大台記者採訪都照噴照拉…但那是題外話。
採訪實際做起上泥真係唔係講咁易，
係咪行上前，影張相，一share出去就有成千上萬like？
我地都想。實情係點？
過去兩日我地新開台後第一批現場報導，個個都好重視。
可惜連續三單瀨野。超down。
想知我地點柒法就要睇落去，你like左呢個post未？
以前係舊台呢，我地團隊都係合作開既，
仲合作得好好，兩傘時期日日有料時時9衝，好齊心。
最緊要快，有片，舊台又多人睇，
衰D講真係出乜都有人like。(地鐵輪椅post都800 like)
咁當然有時柒到出公海呢，讀者既眼睛係雪亮既，
無理由地鐵職員放塊板幫輪椅上落都當係大新聞咁放置頂架嘛。
「新」聞喎！old news is so exciting, you know?
最可憐係篇野根本唔係果個記者寫既，佢只係負責up文，但比街坊們小到佢上天彭(好似係)
(識睇文一定係睇reply吧！一樓朋友同我諗法不謀而合，一睇到即刻想比個five佢)
基本野做到之後就會想做得好D，人之常情。
首先係雨散之後，新聞唔係日日有，時時有。
咁就唔可以單單靠不停出即場消息洗版，
因為根本無咁多突發事。
其次係我地認為雨散後既網媒唔止要有即場消息，
報導仲要有深度先有人睇。
畢竟好多人而家對於抗爭既事已冇雨傘時咁關注，
like都怕比人話激進，遑論share。
(我舊公司得四個人，老闆係離地中立L， 經理反佔中(係, 佢佔中呢個詞)，淨返一個，係老闆娘，唉)
而家做報導，片同相要照上，但加一兩句簡而精，
幫讀者未睇片已知大概條片講乜，等佢容易D決定睇唔睇條片
標題夠正佢share機會都大D
合理heading+簡單caption對讀者user experience有好大幫助是常識吧！
(你見到咁既heading你忍到唔click入去？)
如果你都覺得「加caption無壞丫,好事泥」，咁就大檸樂了。
古語有云「多做多錯，少做少錯，唔做實無錯。」
一做，就出錯。
【柒事一】
首先係速度，以前乜都唔理，貼張相，【16:15 衝突現場情況】就得。
家下大煲喇，要講時，地，人，前因，爆點，結局。
要打字一定慢。
其次係內容，時間地點唔難，只係有時前線同事high得滯，其他資料冇晒。
錄音一：「佢地過緊對面馬路呀，可能會開波」
大佬，旺角咁多條馬路，邊條對面馬路呀，講左等如無講。
問佢又唔應機，不過知道其實係現場有action,
前線攝記好忙，好難下下回，做編輯少少耐性是要有的。
(留返做完晒野開檢討果時先小狗佢都未遲丫~)
(搵機會寫文扮講辛酸果陣借機會串9佢都好喎~)
錄音二：「差人驅趕連記者在內所有人返上行人路，拉起左防線唔比過，現場有多處零星衝突及口角，有個藍絲話比支黃旗fak到，郁手打人」
我心諗喂正丫，好東西，但係一落筆寫果下…
咦？點解大家會被趕上行人路既喂，
正常人本身已經企係行人路又點可能被趕返上行人路？
係咪人人企晒出馬路大亂鬥？
先前有人話預言警民衝突，又話一定行出馬路咁嘛~ 係咪真係泥料先？
唔比過係紅燈唔比過定綠燈都唔比？
黃旗fak到藍絲係老屈丫定真有其事？混亂中借D椅拍9佢定真係意外？
無詳細資料寫唔到喎
最死果樣係身份，
之前有讀者留言話成日「持相反意見者」算點先？
咁隱晦咁luck cut想點呀？
真心多謝批評既，我都知寫時辛苦你睇時又眼痛，但我可以點？
佢又冇認自已係藍絲，唔可以夾硬比個title 佢架喎…雖然係人都知佢收左錢。
唔通又疑似？
tvb記者編輯有風骨好野！暗角打人片出得好！袁志偉正仆街！
咁頭先個case到底可以出乜？
「行苦路大隊行進西洋菜南街至旺角十字路一帶，
現場有多處零星衝突，
混亂間有一持相反意見男子報稱被遊行人士旗幟打中，
雙方疑似發生肢體衝突，及後警方介入調停」
大佬，講左等如冇講。警方介入調停都係靠估。
最慘係，
當我來來回回confirm夠料出上面呢句，打得字泥已經天光，
唔好忘記我地同時有幾位前線，幾條line都係咁，
現場不停有野發生但乜都出唔到，難受到死。
===我地真心有反省，編輯同前線下次都會做好D，要做到報導又快又中point===
【柒事二】
收風既野，白影最耍家，捕時機影相又正
(張血絲相好野呀) (鞋要用力刷)
但佢一個人做唔晒的。
我地前線兄弟一樣要即場收料即做野，
但有時現場有流料，下下要等求證又等天光，點算？
to 出 or not to 出，this is the question.
有單野，話撐警班人見到林老師爸爸行過，
然後即時叫囂話要撤林老師教席喎。
仲影到有位亞叔對住街站舉中指喎！
全日最有趣就係呢單野點可以唔報？
問題係，我地無人識林老師爸爸，點知果個亞叔係咪堅料？
唔好忘記我仲用緊白影page果時已經比某人狂咬過，有咩衣郁好難落台。
我就保守少少，寫成「李偲嫣要求撤鄭林二人教席 有市民高舉中指回敬」
後來果然有消息話果個人根本唔係林老師爸爸，
甚至話佢其實係藍絲舉中指比熱狗，好在當初唔貪功。
若然當初出左「林父中指贈私煙 有其女必有其父」就大檸樂。
呢單野真係一聽嚇一跳，然後得啖笑。
【柒事三】
仲有一單都係現場收錯風，
我想話其實我地只係一班有心人，雖然雨傘時積累左少少經驗，
但人力終究有限，盡晒力都有時會出錯，
呢度同四眼哥哥講返聲唔好意思先。
佢真係好大方，係我地出錯左D野，佢唔介意同白影講返清楚，
大事化小小事化無，大感謝。
講真訊息傳播就係市民對抗暴政既一大利器，
報導唔0岩心水都無必要下下起晒gong (求廣東話正字L出動)
攪社運既十個有九個都係正義感過剩而對別人犯錯容忍度極低既朋友仔
that’s why社運圈咁多花生咁多私怨lor
查實呢，作為港豬既一員，小弟好真心講句，
你地邊個同邊個互小，出咩嚴正聲明喎，
咩絕交咩割蓆喎，我理L得你丫小學雞~
我連人力社民連普羅都未識分, 黃毓民到底而家歸邊瓣我又唔知，
(真心唔知，亦唔care)
我睇個lai 共歌星比人杯葛仲juicy仲好睇仲開心la
你班政客都真係柒L懵懵食甜筒既，
你再講咩立場咩理論我普通人真係唔明，
我有興趣聽肯花時間聽你講政治倫理柏拉圖乜乜乜就唔L係港豬la~
你不如擺明車馬，
列晒所有議題出泥，整個表，棟係地鐵站，
話過我知你以前係咩事上面投過咩票，
跟住落泥邊單就投咩票，簡單明快，同你打對家投票往績一對照，我咪識揀lor
除非你本身都身有屎，上新聞就吹到行，投票就缺席既遮~
side track左tim, 唔好意思。
小弟一向長氣，咁多位街坊睇到呢到已是極之比面，小弟先行謝過。
若然覺得呢篇野有趣，想再知道多D類似既我地圍內花邊,
甚至想引白影或其他兄弟出泥寫野既，
記得比like，留言，0禁share，唔0岩睇鬧爆亦得。
唯一最怕就係毫無反應，然後呢？
然後下次就唔會再有呢種文出現了。
最後，再次感謝前線兄弟們辛苦採訪。
然後佢地話我寫野左膠喎…….你老味la~
(如果呢篇有人睇，夠多人like既話)
下回預告：
【刪改文章做法分歧 兩編輯互片開大波？】
by深灰
TMHK20150406
作者：深灰 (THMK編緝/記者)
大學時代曾參予學生會，畢業後做了港豬不問世事。直到雨傘時才跑出來做義務醫護， 那個黃昏親眼見證住第一粒催淚彈射出的一刻。內心極燥底, 但同時極淆底， 做拳頭又無力， 做肉盾又細粒。唯有加入公民記者行列，做市民的眼、耳、喉舌。希望將新聞現場既資訊帶到市民手(機)上。此人好寫口語，而且相當長氣。
「真相只有一個，資訊由我送上，結論憑你判斷。 」
