Uber被「抄家」 司機力撐: 啲客受夠的士氣啦!

Cover_0811-01

Uber是日被「抄家」,警方上午以Uber手機程式「放蛇」並以涉嫌「使用汽車以作出租或取酬載客用途」及「沒有第三者保險而使用車輛」拘捕5名司機及扣留其載客之車輛。下午警方派員到Uber長沙灣貿易廣場的辦事處調查及帶走多人。

本台電話訪問了一名Uber司機柴先生(化名),他表示因近月在轉工期,而他本身有一輛Benz,於是嘗試登記作Uber的司機,已成功登記超過一個月。他中午由友人告知今早有數名司機被捕,於是前來Uber辦公室想了解公司有何支援及安排。

柴先生於三時來到,當時已有記者在場,他由記者口中得知警方已派員搜查Uber辦公室,故此未能聯絡上公司職員。記者問他之後有何打算,他直言會繼續載客,亦不擔心收不到款項:「唔怕收唔到錢,話晒人地係美國咁大間公司,市值講緊幾千億(編按:有分析指值500億美金),唔會走我個一萬幾千既。」

柴生補充Uber是深受客人歡迎:「其實係大家都受夠的士(司機)既氣,所以好多客人選擇用Uber。(的士)拒載,長既唔去,短既唔去,又比面色人睇,所以先揀我地。」柴指他有位客人決定終生不再乘坐的士:「我有個大肚婆客,仲要成8個幾月就生得,個肚勁大個種,上左架的士之後人地拒載,係馬路中心就咁停低叫佢落番車,都唔知幾慘,個客同我講時講到明之後唔會再坐的士!」

現時警方拘捕了5名司機及到Uber辦事處調查後帶走多人,記者問柴生Uber當中存在可能抵觸香港法律時,他表示:「的士夠成撚日犯法啦!不止拒載,又有改錶,又有超載……」記者追問:「咁當中既保險及對乘客的保障,警方其中一樣野就係以「沒有第三者保險而使用車輛」去拘捕咗5名司機,而外界一直對Uber其中一樣的指控就係對乘客既保障不足,你有咩睇法?」他表示Uber公司對他們司機曾清楚說明,公司已為每位乘客購買相應的保險,由乘客上車至下車期間,亦有全面保障。(編按:本台曾嘗試聯絡Uber公司以確認相關資訊,但於截稿前仍未聯絡得上。)

文、採:白影

#TMHK20150811

 

%d 位部落客按了讚: