檸檬小廚

難得都會想食炸嘢，炸嘢麻煩，用好多油，而且唔健康，但就係好味，只能同自己講——「拉勻一生計，都唔係食好多遮」，而且係屋企自己整，最少可以控制啲油唔會係翻炸無數次嘅萬年地溝油。

大時大節放煙花造成嘅污染，令整個維港附近都被有毒嘅煙霧籠罩，就算唔去觀摩，都受到影響。冬天又就到，空氣容易受到某北方經濟強國嘅工廠污染。

最近吉野家出聲明表示自己冇使用任何福島嘅食材，但又表示自己嘅米係來自中國黑龍江，哩個係要同金源米業最近特別強調金象米成份「絕無中國米」 來一分高下？對於有部分網友表示唔知以後仲去唔去吉野家食嘢表示迷惑，本人就有一個好建議，自己煮。

中秋時節，相信大家都食唔少月餅，而無論傳統蓮蓉定冰皮，高糖、高油，食多左對健康絕對冇好處，哩個時候，就只可以係節後控制飲食同做多啲運動。

電視上嘅五分鐘，十分鐘教煮餸，好多時候，係冇計準備材料嘅時間，特別係有時候會見到佢地係節目之前就已經準備好曬一堆切好曬嘅材料出來，而且中途仲會特別提示你「為節省時間，我地將已經準備好嘅XXX拿出來」。所以，真係到我地自己去整，就需要更多時間。

好多時候，見到電視上教煮食，「首先」就係要有一個大廚房，因為你要有幾個爐頭，又要有微波爐、焗爐、光波爐等等工具，但係香港哩個「土地問題」嚴重嘅地方，根本係有錢買焗爐、麵包機，但冇錢買樓來擺，睇完果啲離地節目，只可以嘆一口氣。