冬日必殺菜 私房羊腩煲

Pic13

最近降溫,終於有進入冬天嘅感覺,而來到冬天,當然要食羊腩煲。

材料:羊腩一磅,山藥一條,粟米一條,洋蔥兩隻,紅酒250ml,青蔥一把,老薑少許,豆豉一大匙,南乳三塊。

pic1

做法:哩次我冇用個鐵鍋來煮了,因為需要「煲」,最好係用平底深,而且最好係複底,因為複底傳熱比較均勻,開細火時唔會只有鍋中間一點受熱,導致中間溫度太高以致燶左。

首先落油爆香蔥段及老薑,因為煲既時間較長,薑唔好切薄片,大塊少少,等佢慢慢出味。

pic2

然後將洗乾淨嘅羊肉放落去稍微翻炒,見幾面都熟就可以落紅酒250ml煮到滾,跟住冚蓋轉細火燜煮一小時。(用唔同酒會有唔同香味,可以嘗試用其他酒)用酒來煲主要就係要整走羊嘅騷味,另外就係增加湯嘅甜味。

燜煮時可以去準備其他材料,特別係山藥。處理山藥我建議最好帶好手套來搞,因為山藥切開時候會流出粘液,會導致過敏,手會好痕(當然唔係所有人都會敏感)。去皮切條後就OK了,然後粟米都係,切成幾段,等羊肉燜煮一小時後再放入。

而羊腩煲調味就主要兩味嘢,就係豆豉同南乳,屋企豆豉醬用曬,否則直接用豆豉醬更方便,爾家就只可以用原粒豆豉自己加熱水攪成醬,然後再加南乳混合後再倒入鍋裡面,之後加水到淹沒曬全部材料就可以了。

又需要煮滾後轉細火,燜15分鐘,之後就可以將兩個洋蔥放埋落去,可以見到,已經變成滿滿嘅一鍋,繼續細火再煲15分鐘就完成了。(放洋蔥時候可以放埋支竹,豆卜等其他嘢落去,睇個人喜好)

Pic12 Pic13

歡迎到我的專頁作進一步討論及交流:「檸檬小廚」專頁

文、攝:Ning C

部份內容經編輯修改,原題為《冬天就係要食羊——山藥粟米羊腩煲》。

#TMHK20151226

 

 

%d 位部落客按了讚: